ՀԱԿԱՄԱՐՏՈՒԹՅՈՒՆՆԵՐԻ ՏՐԱՆՍՖՈՐՄԱՑԻԱՅԻ «ԻՄԵՋԻՆ» ԿԵՆՏՐՈՆ
դիտումների քանակը` 426
«Իմեջին» Կոնֆլիկտների տրանսֆորմացիայի կենտրոնն անկախ, ոչ քաղաքական կազմակերպություն է, որի գործունեությունն ուղղված է փոփոխվող հարաբերությունների վրա դրականորեն ազդելուն եւ հակամարտության կողմերի միջեւ խաղաղության երկարատեւ ու կայուն հիմք դնելուն:
- փոխել հակամարտությունում ներգրավված կողմերի հասարակությունների՝ կոնֆլիկտի եւ միմյանց նկատմամբ եղած բացասական վերաբերմունքը եւ նպաստել կոնֆլիկտի վերաբերյալ փոխադարձ եւ միասնական տեսակետի ձեւավորմանը
- հիմնվելով հակամարտության բոլոր կողմերի կարիքների, հույսերի ու մտահոգությունների վրա՝ ստեղծել համատեղ ուսումնառության, վերլուծություններ կատարելու, գաղափարներ առաջարկելու հնարավորություն, որոնք հաշվի կառնվեն եւ կկիրառվեն խաղաղասիրական գործընթացում
- հակամարտող կողմերի ներկայացուցիչներից ստեղծել խաղաղասիրական գործընթացներով հետաքրքրված արհեստավարժների ցանց եւ ապահովել նրա կայուն գործունեությունը
Կենտրոնն իր գործունեությունն սկսել է Հայաստանից, Ադրբեջանից եւ ԱՄՆ-ից ներգրավված խաղաղասերների կողմից: Հիմնադիրները համատեղ մշակել են վստահության վերականգնման եւ երկխոսության ծրագրեր՝ երկու երկրների հասարակությունների ներկայացուցիչների միջեւ միմյանց կարիքների, մտահոգությունների, հույսերի ու վախերի մասին բաց երկխոսություն նախաձեռնելու մտադրությամբ:
«Իմեջինը», ոչ քաղաքական կազմակերպություն լինելով, հայ-ադրբեջանական հակամարտության լուծման սեփական տեսակետ եւ շահագրգռվածություն չունի:
Կայքէջ. http://www.imaginedialogue.com
Օգոստոսի 19-ին կառավարության մի շարք ներկայացուցիչների ուղեկցությամբ պաշտոնական այցով Երեւան ժամանեց Ռուսաստանի Դաշնության նախագահ Դմիտրի Մեդվեդեւը: Այցի նպատակն էր հայ-ռուսական ռազմական համագործակցության ամրապնդումը եւ Հավաքական անվտանգության պայմանագրի կազմակերպության ոչ պաշտոնական գագաթաժողովին մասնակցությունը: 
Ռումինիայի Խաղաղ գործողությունների, դասընթացների եւ հետազոտությունների ինստիտուտը ճանաչվել է առաջատար կազմակերպություն խաղաղասիրական, հակամարտությունների տրանսֆորմացիայի, բռնությունների կանխման եւ հետպատերազմյան վերականգնման գործընթացներում: 
Քաղաքացիական զարգացման և համագործակցության հիմնադրամը (ՔԶՀՀ) ստեղծվել է 2006թ.` որպես տեղական, շահույթ չհետապնդող կազմակերպություն, որի առաքելությունն է նպաստել քաղաքացիական հասարակության զարգացմանը Հայաստանում: 
«IKV Pax Christi» խաղաղասիրական կազմակերպությունը օժանդակում է քաղաքացիական հասարակության այն խմբերին եւ կազմակերպություններին, որոնք հավատում են խաղաղության հաստատման հնարավորությանը եւ պատրաստ են նպատակաուղղել իրենց գործունեությունը հանուն քաղաքացիների իրավունքների պաշտպանության եւ նրանց անվտանգության ապահովման: 
«Խաղաղության երկխոսության» կողմից «Խաչվող ուղիներ» հկ-ում օգոստոսի 2-ին կազմակերպված կինոդիտումից հետո, «Խաղաղության երկխոսություն» հասարակական կազմակերպության անդամ Վահագն Անտոնյանի, ադրբեջանական AzTV հեռուստաընկերության աշխատակից Ասեֆ Գուլիեւի հետ համատեղ նկարահանած «Ոչ պատերազմ, ոչ խաղաղություն» ֆիլմի դիտում-քննարկում կազմակերպվեց նաեւ «Զանգակատուն» բարեգործական հիմնադրամի Վանաձորի «Զանգակ» սոցիալական ծառայությունների կենտրոնի շահառու խմբի համար: