Խաղաղության երկխոսություն

«Խաղաղության երկխոսություն»-ը Հայաստանում գրանցված նոր հասարակական կազմակերպություն է, որում միավորված տարբեր երկրների ներկայացուցիչները (Հայաստանից, Ռուսաստանից, Վրաստանից եւ Գերմանիայից), ինչպես իրենց հայրենի երկրներում, այնպես էլ Կովկասում խաղաղասիրական բնագավառում երկար տարիների աշխատանքային փորձ ունեն:

«Խաղաղության երկխոսության» առաքելությունն է քաղաքացիական հասարակության ակտիվ մասնակցության ապահովումը տարածաշրջանային, ազգային, միջազգային մակարդակներում, ինչպես նաեւ փոխադարձ հարգանքի պայմաններում ընթացող երկխոսության խթանումը հակամարտող կողմերի հասարակությունների միջեւ` կոնֆլիկտի խաղաղ կարգավորմանը հասնելու եւ նորերը կանխարգելելու երկարաժամկետ նպատակով: Նշվածին հանելու ուղիներն են.

• Քաղաքացիական խաղաղասիրական ներուժի զարգացում,
• Մարդու իրավունքների եւ դեմոկրատական արժեքների նկատմամբ հարգանքի պատվաստում,
• Օժանդակություն՝ խաղաղասիրական քաղաքացիական նախաձեռնություններին,
• Հակամարտությունների արդյունքում տուժածների շահերի պաշտպանություն

Խորապես համոզված լինելով, որ միմիայն երկխոսությունն է խաղաղության հասնելու գրավականը, մենք ձգտելու ենք տարածաշրջանային, ազգային եւ միջազգային մակարդակներում բազմաշերտ երկխոսության՝ հասարակության մեջ այն գիտակցությունը ձեւավորելու նատակով, որ նրանք պատասխանատու են խաղաղության համար եւ պետք է աջակցեն իրենց այն ներկայացուցիչներին, որոնք գիտակցում են, որ կոնֆլիկտի խաղաղ կարգավորմանն այլընտրանք չկա, որ նրանք կոչված են պահանջելու խաղաղությունն իրենց երկրների կառավարություններից եւ պատասխանատուներից:

Այս սյունը կազմակերպության գործունեությանը վերաբերվող եւ կատարվելիք միջոցառումների ազդարարն է: